Şirvan polisi narkotik satan şəxsi saxlayıb.
Press.Az xəbər verir ki, Şirvan ŞPŞ əməkdaşlarının keçirdikləri əməliyyat tədbiri nəticəsində Hacıqəhrəmanlı qəsəbə sakini Ramil Şahbazovun evinin həyətindən kultivasiya yolu ilə yetişdirilmiş 107 ədəd çətənə kolu və 1 kq. 615 qram marixuana aşkar edilib.
ŞPŞ İstintaq bölməsində CM-nin 234-cü (qanunsuz olaraq narkotik vasitələri, psixotrop maddələri əldə etmə, saxlama və ya satma) və 237-ci (qanunsuz olaraq tərkibində narkotik maddələr olan bitkiləri kultivasiya etmə) maddələri ilə cinayət işi başlanılıb.