Bakı sakini Beyləqanda öldürülüb və meyiti basdırılıb

Bakı sakini Beyləqanda öldürülüb və meyiti basdırılıb

Press.Az xəbər verir ki, iyunun 16-da Nizami rayonu ərazisində yaşayan Nazim Musayevin evdən çıxaraq, geri qayıtmaması barədə 25-ci polis şöbəsinə müraciət daxil olub.

Araşdırma zamanı, N.Musayevin ayın 17-də Beyləqan rayonunun Yuxarı Aran kəndi ərazisində tanışı, Bakı şəhər sakini Z.Seyidov tərəfindən küt alətlə qətlə yetirilərək, basdırılması müəyyən edilib.

Əməliyyat-axtarış tədbirləri nəticəsində Z.Seyidov saxlanılıb, mərhumun meyiti Yuxarı Aran kəndinin ərazisində eksqumasiya edilib.

Faktla əlaqədar CM-nin 120.1-ci (qəsdən adam öldürmə) maddəsi ilə cinayət işi başlanılıb.