İki minə yaxın "Liverpul" azarkeşi komandanın çempionluğunu ev oyunları keçirilən "Enfild" stadionunda qeyd edib.
Press.az Britaniya mətbuatına istinadən xəbər verir ki, polis əməkdaşları arenanın ətrafındakı yolları bağlasa da, kütləni dağıtmaq üçün cəhd göstərməyib. Fanatlar pirotexniki vasitələrdən də istifadə ediblər.
Azarkeşlər eyni zamanda, şəhərin mərkəzində də bir yerə toplaşıb. Onlar burada klubun himnini səsləndiriblər.
Qeyd edək ki, İngiltərə Premyer Liqasının 31-ci turunda "Mançester Siti" səfərdə "Çelsi"yə 1:2 hesabı ilə uduzub və "Liverpul" 1989/1990 mövsümündən sonra ilk dəfə çempion olub.