"Milan"dan İbrahimoviç açıqlaması

"Milan"ın idman direktoru Frederik Massara komandanın hücumçusu Zlatan İbrahimoviçin gələcəyi barədə danışıb.

Press.az xəbər verir ki, klub rəsmisi "Sky Sports"a açıqlamasında 38 yaşlı hücumçu ilə danışıqlar aparacaqlarını deyib:

"İbrahimoviç bir çempiondur. Onun gəlişi komandaya müsbət təsir etdi. Ancaq komandadakı gələcəyini mövsüm bitəndən sonra müzakirə edəcəyik".

Qeyd edək ki, isveçli forvard qış fasiləsində "Milan"a keçib və onun müqaviləsi iyunun 30-da başa çatır. İbrahimoviç "qırmızı-qaralar"da 10 oyun keçirib və 4 qol vurub.