Sədr deputatlardan və parlament işçilərindən karantin qaydalarına əməl etmələrini tələb edib

“Son dövrlər vətəndaşların əksəriyyəti karantin qaydalarına əməl etmədiyinə görə, yoluxanlarla sağalanlar arasında fərq kəskin artıb. Buna görə karantin qaydaları sərtləşdirilib”.

Press.az xəbər verir ki, bunu Milli Məclisin Sədri Sahibə Qafarova parlamentin bu gün keçirilən plenar iclasında deyib.

Milli Məclisin Sədri deputatlardan, Milli Məclisin Aparatının və İşlər İdarəsinun əməkdaşlarından tələb edib ki, karantin qaydalarına əməl etsinlər, tələb olunan yerlərdə maskadan istifadə etsinlər.