"Çelsi" yarımmüdafiəçisini "Atalanta"ya satdı

"Atalanta" komandada icarə əsasında çıxış edən "Çelsi"nin futbolçusu Mario Paşaliçi birdəfəlik transfer edib.

Press.az İtaliya mətbuatına istinadən xəbər verir ki, xorvatiyalı yarımmüdafiəçi üçün London klubuna 15 milyon avro ödənilib. Onunla 5 illik müqavilə imzalandığı bildirilir.

Qeyd edək ki, 25 yaşlı futbolçu 2018-ci ildən "Atalanta"da çıxış edir. O, bu mövsüm 32 oyuna 7 qol vurub, 7 məhsuldar ötürmə edib.