"Rubin"in daha bir futbolçusunda koronavirus aşkarlandı

Rusiyanın “Rubin” klubu legionerlərinin komandaya qayıdışından sonra yenidən koronavirus testindən keçib.

Press.az klubun mətbuat xidmətinə istinadən xəbər verir ki, müdafiəçi Nikolay Poyarkovun testi müsbət çıxıb.

Rusiyalı futbolçunun komanda yoldaşları ilə təmasda olmadığı və onun karantinə alındığı bildirilib.

Qeyd edək ki, bundan əvvəl Kazan təmsilçisinin daha bir futbolçusu - Konstantin Plievin də koronavirusa yoluxduğu açıqlanmışdı.