Sabunçuda evdən külli miqdarda pul və qızıl oğurlayan şəxslər tutulub
Press.Az xəbər verir ki, Bakı şəhər BPİ Cinayət-Axtarış İdarəsi (CAİ) və Sabunçu RPİ 14-cü polis bölməsi əməkdaşlarının birgə keçirdikləri əməliyyat tədbirləri nəticəsində mayın 17-də rayon ərazisindəki evdən 10.000 manat pul və 4 000 manat dəyərində qızıl əşyalar oğurlayan Bakı şəhər sakinləri, əvvəllər məhkum olunmuş N.Salayev, T.Cəlilov və Ə.Əliyev saxlanılıblar.
Sabunçu RPİ İstintaq şöbəsində CM-nin 177.2.1-ci (oğurluq, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.