"Qələbə qazananlar yaxşı müdafiə olunan komandalardır" - Simeone

"Atletiko"nun baş məşqçisi Dieqo Simeone komandası daha çox müdafiə olunduğu üçün ona edilən tənqidlərə münasibət bildirib.

Press.az xəbər verir ki, "Fox Sports"a danışan argentinalı mütəxəssis qələbənin açarını məhz yaxşı müdafiə olduğunu deyib:  "Hər kəs müdafiə oyunu oynadığımızı söyləyir. Tez-tez əla oyunçuları olan komandalarla qarşılaşırıq, amma onların çox azı müdafiə oluna bilirlər. Qələbə qazananlar yaxşı müdafiə olunan komandalardır. Bunun açarı müdafiədir. Böyük komandalarda yaxşı hücumçular ola bilər, amma vacib olan necə müdafiə olunacağını bilməkdir. Düşünün, neçə komanda həqiqətən yaxşı müdafiə oluna bilir?".

O, "Atletiko"da bir çox hücumçu ilə oyuna çıxdığını da xatırladıb:  "Atletiko'dakı ilk komandamda Diego Ribas, Arda Turan, Radamel Falcao və Adrianı birlikdə oynadırdım və bununla yanaşı, Xuanfran və Filipe Luis kimi hücumda oynaya biləcək oyunçularımı var idi. O vaxt da bizə müdafiədə oynadığımızı deyirdilər".