Almaniyada koronavirusa yoluxanların sayı 174 min nəfəri ötüb

Almaniyada ötən sutka ərzində yeni növ koronavirusa 583 nəfər yoluxub, 33 nəfər isə dünyasını dəyişib.

Press.az-ın "Gazeta.ru"ya istinadən verdiyi məlumata görə, bu barədə ölkənin Robert Kox Universitetindən bildiriblər.

Məlumata əsasən, ölkədə koronavirusa yoluxanların ümumi sayı 174 355 nəfərə çatıb. Onlardan təxminən 8 mini ölüb, 153 mini isə sağalıb.

Bildirilir ki, ən çox yoluxma halları Bavariya, Vestfaliya və Baden-Vürtemberqdə qeydə alınıb.