Koronavirusla mübarizə aparan tibb işçilərinin mart ayı üzrə əmək haqları verilib

Tibb işçilərinin əmək haqqının ödənilməsi ilə bağlı proses davam edir.

Press.az xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib:

"Mart ayının əmək haqları verilib, aprel ayı isə verilməkdədir. Bəzi həkimlərə işlədikləri gün hesabı ilə əmək haqqı verilir. Eyni zamanda, həkimlərin iş saatı 6, bəzən 12 saatdır.

Həkimlər əmin ola bilərlər ki, onların hər birinə layiq olduğu əmək haqqı veriləcək. Lakin bilsinlər ki, bizim üçün onların mənəvi dəyəri daha vacibdir"