Ramin Bayramlı: Ölənlərin çoxu başqa yanaşı xəstəliyi olan və gecikmə ilə xəstəxanaya gətirilənlərdir

"Azərbaycanda vəfat edənlərin əksəriyyəti yanaşı xəstəliyi olan və gecikmə ilə xəstəxanaya gətirilənlər olub".

Press.az xəbər verir ki, bunu “Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

TƏBİB sədri bildirib ki, bugünkü ölüm halı böyrək çatışmazlığı olan şəxs idi:

"Ağır yanaşı xəstəliyi olanlar gec müraciət etdiyindən onlara yardım edə bilmirik. Bütün xəstəxanalar lazımi tibbi avadanlıq və dərman preparatları ilə təmin olunub".