Xəzər rayonunda avtomobil akkumulyatorları oğurlayanlar tutulub
Press.Az xəbər verir ki, Xəzər RPİ 2-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisində 3 avtomobildən akkumulyator oğurlayan Bakı şəhər sakini, əvvəllər məhkum olunmuş S.Abdullayev saxlanılıb.
Araşdırma zamanı onun, Salyan rayon sakini R.Məmmədovla birgə daha 5 avtomobildən akkumulyator oğurlaması müəyyən edilib.
Keçirilmiş tədbir nəticəsində R.Məmmədov da saxlanılıb və istintaqa təhvil verilib.
Xəzər RPİ-də CM-nin 177.2.2-ci (oğurluq, təkrar törədildikdə) maddəsi ilə cinayət işi başlanılıb.