İtaliyada son 24 saatda 610 nəfər koronavirusun qurbanı olub.
Press.az xəbər verir ki, bunu ölkənin Səhiyyə Nazirliyi açıqlayıb.
Bununla da ölkədə pandemiya qurbanlarının sayı 18 279-a çatıb.
Bildirilib ki, koronavirusa yoluxanların sayı da daha 4 204 nəfər artaraq 143 626-ya yüksəlib.
İtaliyada koronavirusdan sağalanların sayı isə 28 470 nəfərdir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 209 ölkə və bölgədə qeydə alınıb.