Qaraçuxurda taksi sürücünə qarşı quldurluq edən 2 nəfər tutulub
Press.Az xəbər verir ki, Suraxanı RPİ 32-ci polis bölməsinə müraciət edən Qaraçuxur qəsəbə sakini H.Baxşəliyev, aprelin 5-i gecə saat 2 radələrində qəsəbə ərazisində “VAZ-21015” markalı avtomobilinə sərnişin qismində oturmuş 2 nəfərin, onu yumruqla vuraraq mobil telefonunu və avtomobildə olan maqnitofonunu alıb getdiklərini bildirib.
Suraxanı RPİ 31-ci polis bölməsi və Çevik Polis Alayının əməkdaşları tərəfindən Bakı şəhər sakinləri K.Bayramov və əvvəllər məhkum olunmuş Ə.Məmiyev saxlanılıblar.
Faktla bağlı CM-nin 181-ci (quldurluq) maddəsi ilə cinayət işi başlanılıb.