Pensiya ödənişləri zamanı bankomatlarda əlavə faiz tutulması dayandırıldı

Azərbaycanda xüsusi karantin rejimi müddətində pensiya, müavinət, təqaüd, kompensasiya, ünvanlı yardım kimi sosial ödənişləri istənilən bankın bankomatından, eləcə də Azərpoçtun istənilən bankomat və ya posterminallarından əldə edən zaman hər hansı əlavə faiz tutulmayacaq.

Press.az xəbər verir ki, bu, Əmək və Əhalinin Sosial Müdafiəsi Nazirliyi, Mərkəzi Bank və Azərbaycan Banklar Assosiasiyasının müraciətdində öz əksini tapıb.

Qeyd olunub ki, vətəndaşlar sualları olacağı təqdirdə, 142 - Çağrı Mərkəzinə müraciət edə bilərlər.