Qubada 4 nəfər evdən seyf oğurlayıb
Press.Az xəbər verir ki, Quba RPŞ əməkdaşlarının keçirdikləri əməliyyat-axtarış tədbirləri nəticəsində martın 28-də rayon ərazisindəki evdən, içərisində 6500 dollar, 19.000 manat pul, 10.000 manat dəyərində qızıl-zinət əşyaları, bank kartı və sənədlər olan seyf oğurlayan 4 nəfər rayon sakini saxlanılıb.
Araşdırma zamanı onlardan birinin itkin düşmüş şəxs kimi axtarışda olması müəyyən edilib.
RPŞ İstintaq bölməsində CM-nin 177.2.1-ci (oğurluq, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.