Dövlət Dəniz Agentliyi koronavirusla mübarizə təşəbbüsünə qoşulur

Dövlət Dəniz Agentliyi Azərbaycan Respublikasi Prezidentinin 19 mart 2020-ci il tarixli “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” Fərmanına əsasən yaradılan Koronavirusla Mübarizəyə Dəstək Fonduna vəsait köçürülməsi təşəbbüsünə qoşulub.

Agentlikdən Press.az-a verilən məlumata görə, Dövlət Dəniz Agentliyi Koronavirusla Mübarizəyə Dəstək Fonduna 50 min manat məbləğində vəsait köçürüb.