Gürcüstan klubu azərbaycanlı futbolçu ilə yolları ayırdı

Gürcüstanın “Merani” klubu azərbaycanlı futbolçu Tural Rzayevlə müqaviləyə xitam verib.

Press.az klubun mətbuat xidmətinə istinadən xəbər verir ki, 26 yaşlı yarımmüdafiəçi ilə anlaşma qarşılıqlı razılaşma ilə pozulub.

Bu ilin fevralında “Merani”ə keçən Tural cəmi bir ay sonra komandadan ayrılıb. "Kəpəz"in sabiq futbolçusu diz bağları qopduğu üçün uzun müddət yaşıl meydanlardan uzaq qalacaq. Bu səbəbdən elita klubu onunla yollarını ayırıb. Onun müalicəsini üzərinə götürən Gürcüstan klubu bütün xərcləri ödədikdən sonra müqaviləyə xitam verilməsini məqsədəuyğun sayıb.