"Mançester Yunayted" Matiçlə bağlı qərarını verdi

"Mançester Yunayted" futbolçusu Nemanya Matiçlə müqavilənin müddətinin uzadılması ilə bağlı bəndi aktivləşdirib.

Press.az "Sky Sports"a istinadən xəbər verir ki, bununla da 31 yaşlı yarımmüdafiəçi ən azı 2021-ci ilin yayına kimi İngiltərə klubunda qalacaq. "MY", həmçinin serbiyalı futbolçu ilə yeni müqavilə imzalamaq üçün də danışıqlara başlayıb.

Qeyd edək ki, Matiç bu mövsüm Premyer Liqada oynadığı 12 matçda 1 qol ötürməsi verib.