“Neftçi”nin sabiq futbolçusu Zdenek Folprext karyerasını yenidən Azərbaycanda davam etdirə bilər.
Press.az xəbər verir ki, çexiyalı yarımmüdafiəçi “Sabah”ın transfer gündəmindədir.
Bakı klubu 29 yaşlı orta sahə oyunçusunu qış fasiləsində heyətinə cəlb etmək üçün onunla danışıq aparsa da, keçid baş tutmayıb. Halbuki Folprext özü də Azərbaycana qayıtmaqda maraqlı olub. Lakin tərəflər ortaq məxrəcə gəlməyincə, futbolçu “Fastav”dan Kipr klubu “Pafos”a keçib. Bununla belə, ondan əlini üzməyən “Sabah” mövsümün sonunda danışıqları yenidən bərpa etməyi düşünür.
Qeyd edək ki, Zdenek Folprext 2017-ci ilin yanvarında “Neftçi”yə keçsə də, cəmi 6 ay sonra Çexiyaya qayıdıb.