Mingəçevirdə qadın içində pul olan çantanı oğurlayıb
Press.Az xəbər verir ki, Mingəçevir ŞPŞ-nə yanvarın 7-də şəhər ərazisində, xətt avtobusunda Bakı şəhər sakini T.Cəfərovanın, içərisində 2180 manat olan çantasının oğurlanması barədə məlumat daxil olub.
Mingəçevir ŞPŞ və Yevlax RPŞ əməkdaşlarının birgə keçirdikləri əməliyyat-axtarış tədbirləri nəticəsində Samux rayon sakini, əvvəllər məhkum olunmuş S.Həsənova Yevlax şəhərində saxlanılıb.
Araşdırma zamanı onun CM-nin 177-ci (oğurluq) maddəsi ilə axtarışda olması məlum olub.
Faktla bağlı cinayət işi başlanılıb.