20 ildə heç bir yol hərəkəti qaydası pozmayan nümunəvi sürücü mükafatlandırıldı - FOTOLAR

Şəkidə nümunəvi sürücü mükafatlandırıldı.

Press.az xəbər verir ki, Şəkinin, Qoxmuq kənd sakini H.Daşdəmirov, son 20 ildə avtomobil idarə etməsinə baxmayaraq heç bir yol hərəkəti qaydasını pozmadığı üçün nümunəvi sürücü kimi müəyyən edilərək, 23.01.2020-ci il tarixdə Şəki Şəhər-Rayon Polis Şöbəsinin Dövlət Yol Polis Bölməsinə dəvət olunaraq mükafatlandırılıb.

DYP əməkdaşı T.Niftalıyev bildirib ki, belə nümunəvi sürücülərin müəyyən edilib mükafatlandırılması və kütləvi informasiya vasitələrinin köməyindən istifadə etməklə ictimaiyyətə təqdim olunmasının məqsədi digər sürücülərə örnək göstərməkdir.