Binəqədi və Qaradağda narkotiklərlə bağlı 3 nəfər tutulub
Press.Az xəbər verir ki, Binəqədi RPİ 4-cü polis şöbəsi əməkdaşlarının keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş Ə.Ələmov və A.Qasımov saxlanılıblar.
Şəxsi axtarış zamanı Ə.Ələmovdan 520 qramdan artıq heroin, 265 qrama yaxın metamfetamin və 508 ədəd metadon həbi,
A.Qasımovdan 394 qramdan artıq heroin götürülüb.
Bundan başqa, Qaradağ RPİ 10-cu polis bölməsi əməkdaşlarının keçirdikləri əməliyyat tədbiri nəticəsində Bakı şəhər sakini R.Əhmədov saxlanılıb.
Şəxsi axtarış zamanı ondan 435 qram marixuana aşkar edilib.
Faktlarla bağlı CM-nin 234-cü maddəsi ilə cinayət işləri başlanılıb.