Ronaldo onunla şəkil çəkdirmək istəyən azarkeşə əsəbiləşdi - Video

Çempionlar Liqasının qrup mərhələsinin son turunda keçirilən "Bayer" (Leverkuzen) - "Yuventus" oyunundan sonra maraqlı hadisə baş verib.

Press.az xəbər verir ki, matç bitən kimi meydana daxil olan bir azarkeş Turin klubunun futbolçusu Ronaldonun yanına qaçaraq, onunla şəkil çəkdirmək istəyib. Ancaq fanatın onu qəfildən boynundan tutaraq özünə tərəf dartması portuqaliyalı hücumçunu əsəbiləşdirib. Həmin şəxslə şəkil çəkdirməyən 34 yaşlı oyunçu narazı halda əllərini yelləyib və azarkeşə qışqırıb. Bundan sonra təhlükəsizlik işçiləri fanatı meydançadan uzaqlaşdırıblar.

Qeyd edək ki, "Yuventus"un 2:0 hesabı ilə qalib gəldiyi matçda qollardan birini Ronaldo vurub.

Xatırladaq ki, Portuqaliya millisinin üzvü çox vaxt onunla şəkil çəkdirmək istəyən azarkeşlərin istəyini yerinə yetirir.