Bakı metrosunda qorxulu anlar: Bir nəfər relslərin üstünə düşdü - VİDEO

Bu gün axşam saatlarında Bakı metrosunda qorxulu anlar yaşanıb. 

Press.az-ın “Qafqazinfo”ya istinadən məlumatına görə, naməlum şəxs metronun “Neftçilər” stansiyasında qatar yoluna atılıb. 

Stansiya yolunda hərəkət edən şəxs yalnız polisin müdaxiləsindən sonra platforamya çıxarılıb. 

“Bakı Metropoliteni” QSC-nin Mətbuat Xidmətinin rəhbəri Bəxtiyar Məmmədov “Qafqazinfo”ya açıqlamasında bildirib ki, hadisə 18:26 radələrində qeydə alınıb: 

“Stansiya işçiləri müvafiq təlimat qaydalarına uyğun addım atıb, təmas relsindən gərginlik çıxarılıb. Bundan sonra polis vətəndaşı qatar yolundan çıxarıb”.