İŞİD Londonda baş verən terakta görə məsuliyyəti öz üzərinə götürüb

İŞİD terror qruplaşması Böyük Britaniyanın paytaxtı Londonda baş verən torror aktına görə məsuliyyəti öz üzərinə götürüb.

Press.az bu barədə "Reuters" agentliyinə istinadən məlumat verir.

Xatırladaq ki, noyabrın 29-u yerli vaxtla təxminən saat 14:00-da bıçaqla insanlara hücum edib. İnsident Kembric Universitetinin Kriminologiya İnstitutunun "Learning Together" proqramının məzunları və müəllimləri arasında görüş keçirilən zaman baş verib. Silahlı hücum nəticəsində iki nəfər həlak olub, 3 nəfər isə xəsarət alıb.

Terrorçu polislərə müqavimət göstərəndən sonra hüquq-mühafizə orqanlarını əməkdaşları tərəfindən güllələnib. Terrorçunun 28 yaşlı Osman Xan olduğu müəyyən edilib.