Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

Fədayə Laçın: "Heç kimə ayrılıq qismət olmasın" - VİDEO

29 Oct 2019 rating_stars rating_stars rating_stars rating_stars rating_stars

"Azadlıq elə bir hissdir ki, bunu sözlə ifadə edə bilmirəm".

Bunu Bakı İstintaq Təcridxanasından azadlığa buraxılan müğənni Fədayə Laçın deyib.

O bildirib ki, azadlığa çıxdığı üçün çox həyəcanlıdır: "Şükürlər olsun Allahın bu gününə, çox gözəl hisslərdir".

F.Laçın qeyd edib ki, bundan sonra da sənətini davam etdirəcək: "İki ildir oxumuram, içəridə ürəyim partlayırdı". O, daha sonra jurnalistlər üçün "Şirin anlar" mahnısını ifa edib.

F.Laçın bütün dustaqlara azadlıq arzu edib: "Heç kimə ayrılıq qismət olmasın, Allah cəmi dustaqların qapısını açsın".

Müğənni onu sevənlərdən də üzr istəyib: "Bilmədən sevənlərimi çox üzdüm. Amma söz verirəm ki, bir daha nə ailəmi, nə də məni sevənləri  üzməyəcəyəm. Onların hamısından üzr istəyirəm".

Qeyd edək ki, 2017-ci ilin oktyabrın 30-da həbs edilən Fədayə Laçının cəzası Bakı Apellyasiya Məhkəməsinin qərarı ilə 2 ilə endirilib və o, bu gün azadlığa buraxılıb.

Report

Oxşar xəbərlər
OTACI