Millimiz Fransaya məğlub oldu

21 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün növbəti oyununu keçirib.

Press.az xəbər verir ki, Milan Obradoviçin rəhbərlik etdiyi kollektiv səfərdə Fransa yığması ilə qarşılaşıb.

İlk turda Lixtenşteynə uduzan (0:1) millimiz Slovakiya üzərində qələbə qazansa da (2:1), son oyunda Gürcüstana Bakıda böyük hesabla məğlub olmuşdu – 0:3. Fransa yığması isə qrupda ilk matçını məhz millimizə qarşı keçirib. Qarşılaşmanın aşkar favoriti olan meydan sahibləri bu görüşdə 5 cavabsız qola seviniblər.

AÇ-2021-in seçmə mərhələsi

2-ci qrup

10 oktyabr

Fransa – Azərbaycan - 5:0

Qollar: O.Eduard, 2; 36. D.A.Zaqadu, 40. H.Auar, 52. A.Nordin, 76.

Baş hakim: Antoniu Nobre (Portuqaliya).