logo
First slide

Vətəndaşa qarşı polis təzyiqi nümayiş etdirilən videogörüntülər montajdır

12 Jul 2019 rating_stars rating_stars rating_stars rating_stars rating_stars

Bakı şəhər Baş Polis İdarəsi paytaxtda polisin vətəndaşa qarşı təzyiq etməsi ilə bağlı yayllan videomateriala münasibət bildirib.

İdarənin mətbuat xidmətinin rəhbəri, polis mayoru Elşad Hacıyev bildirib ki, sosial şəbəkələrdə Bakı şəhərində vətəndaşa qarşı polis təzyiqi nümayiş etdirilən videogörüntülər yayılıb. İki hissədən ibarət olan, lakin ustalıqla montaj olunan vidogörüntülərin ikinci hissəsi bu gün günorta saatlarında 20 Yanvar dairəsində çəkilib.

Elşad Hacıyev bildirib ki, görüntülərin birinci hissəsi daha əvvəlki illərdə aid olsa da məqsədli olaraq, səs görüntüyə uyğunlaşdırılmaqla “polis zorakılığı” təsəvvürü yaradılıb.

Məlumatda vurğulanıb ki, görüntülərin həqiqiliyi yoxlanılıb, orda iddia edilən hallar təsdiqini tapmayıb: “Aparılan araşdırma zamanı müəyyən olunub ki, polisin ərazidə küçə ticarətinə qarşı mübarizə tədbirləri çərçivəsində Qaradağ rayonu, Ələt qəsəbə sakini 1998-ci il təvəllüdlü Emin Gənciyev bölməyə dəvət olunaraq, əməlinin hüquqazidd olması ona izah edilib, barəsində inzibati protokol tərtib olunaraq sərbəst buraxılıb. E.Gənciyə polis tərfindən dəfələrlə edilən xəbərdarlıqlara baxmayaraq, o buna məhəl qoymayıb, piyada və avtomobil yollarının hərəkət hissəsində qanunsuz əməllərini davam etdirib.”

E.Hacıyev əlavə edib ki, hər bir paytaxt sakini şəhər təsərüfatının, eləcə də ictimai qaydanın normalarına əməl etməli, neqativ təzahürlərə qarşı polisin qanuni tələblərinə həssas yanaşmalıdır.

Trend

Oxşar xəbərlər
Category news

tr_star

19 Nov 2019