Nursultan Nazarbayev istefa verib

Qazaxıstan Prezidenti Nursultan Nazarbayev istefa verib.

Press.az-ın məlumatına görə, bunu dövlət başçısı martın 19-da xalqa müraciətində bildirib.

Dövlət başçısı seçkiləri keçirilənə qədər Qazaxıstan Prezidenti səlahiyyətlərini Parlament Senatının sədri Kasım-Jomart Tokayev yerinə yetirəcək.

Qeyd edək ki, fevral ayında Qazaxıstan Konstitusiya Şurası dövlət başçısı Nursultan Nazarbayevin müraciətinə cavab olaraq ölkənin əsas qanununun respublika Prezidentinə səlahiyyətlərini vaxtından əvvəl təhvil verməyə icazə verdiyini bildirib.