"Atletiko"nun müdafiəçisi "Barselona"ya keçə bilər

"Atletiko"nun müdafiəçisi Filipe Luis karyerasını "Barselona"da davam etdirə bilər.

Press.az "Mundo Deportivo" nəşrinə istinadən xəbər verir ki, Kataloniya klubu bu mövsümün sonunda Madrid təmsilçisi ilə müqaviləsi başa çatacaq futbolçunu heyətinə qatmaq istəyir. Braziliyalı oyunçunun özünün də "Barselona"ya keçməkdə maraqlı olduğu bildirilir. Eyni zamanda, "Atletiko"nun Luislə yeni müqavilə bağlamaq istədiyi də iddia olunur.

Qeyd edək ki, təcrübəli müdafiəçi bu mövsüm La Liqada meydana çıxdığı 15 qarşılaşmada 2 qol vurub və 1 məhsuldar ötürmə edib.