Rus dilində olan yazı Qazaxıstan tenqesindən silinəcək

Qazaxıstan prezidenti Nursultan Nazarbayev milli valyuta olan tenqenin banknot və sikkələrinin dizaynının yeni konsepsiyası barədə fərman imzalayıb.

Sənədə əsasən, Qazaxıstan milli valyutasının banknotları və sikkələrindəki yazı yalnız qazax dilində olacaq.

Kolleksiya və investisiya sikkələrində digər dillərdə yazılara icazə verilir.

Bundan əvvəlki konsepsiyada banknot və sikkələrdə qazax dilindən əlavə, rus dilində də yazı var idi.

Fərman imzalandığı gündən qüvvəyə minir.

Oxu.az