Azərbaycanda güclü külək ağacları aşırdı - Rayonda elektrik enerjisi dayandırılıb

Ucarda güclü külək fəsadsız ötüşməyib.

Press.az xəbər verir ki, bu gün axşam saatlarında yağışla müşahidə olan güclü külək rayonun müxtəlif ərazilərində bir neçə iri gövdəli ağacı aşırıb. 

Rayonun Azərbaycan küçəsində kanalizasiya sisteminin bərbad olması səbəbindən yağış suları evlərin həyətinə dolub. Bundan əlavə qısa müddətli güclü külək nəticəsində elektrik təsərrüfatına da ziyan dəyib. Bir neçə ərazidə naqillərdə baş verən qırılmalar səbəbindən rayonda elektrik enerjisi təchizatı müvəqqəti olaraq dayandırılıb.