Rusiya MN: “Bütün PUA-lar vurulub”

Kiyev Moskvaya səkkiz pilotsuz uçuş aparatı ilə hücum edib, onların hamısı vurulub”.

Bu barədə Rusiya Müdafiə Nazirliyi məlumat yayıb.

“Qarşı tərəfin bütün dronları vurulub. Onlardan üçü radioelektron mübarizə (REM) vasitələri ilə, daha beş PUA isə “Pantsir-S” zenit-raket kompleksi tərəfindən məhv edilib”, - Rusiya Müdafiə Nazirliyinin dərc etdiyi məlumatda qeyd olunur.

09:24

Bu gün səhər saatlarında pilotsuz uçuş aparatı (PUA) Moskva şəhərinin Lenin prospektində yerləşən 14 mərtəbəli yaşayış binasına çırpılıb.

Məlumatı Moskva şəhərinin meri Sergey Sobyanin də təsdiq edib.

Rusiya mətbuatı yazır ki, pilotsuz uçuş aparatı üç partlayıcı daşıyıb.

Yaşayış binasının sakinləri təxliyə ediliblər.

Rusiya “Telegram” kanalları PUA-nın qəzaya uğraması nəticəsində ölənlərin olduğunu yazır.

Hələlik aidiyyəti qurumlar dağıntı və insan itkisi barədə məlumat yaymayıblar.