Bakıda 35 yaşlı kişi yol-nəqliyyat hadisəsində xəsarət alıb

Bakının Binəqədi rayonunda 35 yaşlı kişinin xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, 1988-ci il təvəllüdlü Səttarxan Məhəbbət oğlu Mirzəzadənin idarə etdiyi motosiklet avtomobillə toqquşub. Hadisə zamanı S.Mirzəzadə xəsarət alıb.

Yaralı təcili tibbi yardımın köməkliyi ilə xəstəxanaya çatdırılıb.

Faktla bağlı araşdırma aparılır.