Azərbaycanda nə qədər talassemiya xəstəsi var? - STATİSTİKA

2022-ci ildə ilk dəfə talassemiya diaqnozu ilə 320 nəfər qeydə alınıb.

Bu barədə Dövlət Statistika Komitəsindən bildirilib. Bildirilib ki, 0-17 yaş aralığında olanların sayı 158 nəfər olub.

Tibb müəssisələrində talassemiya diaqnozu ilə qeydiyyatda olanların xəstələrin cəmi sayı 4 min 96 nəfər olub ki, onlardan da 1 min 967 nəfəri 0-17 yaş aralığında şəxslər olub.

Qeyd edək ki, ilk dəfə qoyulmuş diaqnozla 2018-ci ildə 418, 2019-cu ildə 402, 2020-ci ildə 320, 2021-ci ildə 286 nəfər talassemiya xəstəsi qeydə alınıb.