Daşkəsənə yağan dolu nəqliyyatın hərəkətində çətinliklər yaratdı

Mayın 23-ü saat 18:00-dan başlayaraq Daşkəsən rayonu ərazisinə güclü dolu, qasırğa ilə müşayiət olunan leysan yağıb.

Press.az APA-ya istinadla xəbər verir ki, dolu və leysan yağışları rayon mərkəzində elektrik xətlərinə və dirəklərinə, dam örtüklərinə, küçələrarası istinad divarlarına, kəndlərdə körpülərə, meyvə ağaclarına, kənd təsərrüfatı sahələrinə zərər vurub, sel-suları palçıq kütlələrini və qaya daşlarını avtomobil yollarına tökərək nəqliyyatın hərəkətinə çətinliklər yaranıb.

Daşkəsən Rayon İcra Hakimiyyətinin Fövqəladə Hallar Komissiyası yerli idarə, müəssisə və xidmət sahələri ilə birgə daxili imkanlar hesabına bərpa işlərini davam etdirir. Hazırda yağıntılı hava şəraiti davam edir.