Qvardiola: "Premyer Liqa dünyanın ən vacib turniridir"

"Mançester Siti"nin baş məşqçisi Xosep Qvardiola Premyer Liqanı qazanmaq şansları haqda danışıb.

Press.az "Sky Sports"a istinadən xəbər verir ki, "Mançester Siti" qarşıdakı turda "Çelsi" ilə üz-üzə gələcək. Qələbə “şəhərlilər” üçün çempionluğu təmin edəcək.

Qvardiola bu haqda deyib: “Ən çətin an yaxınlaşır. Hər şey öz əlimizdə olacaq. Premyer Liqa 10-11 aydan çox davam etdiyi üçün dünyanın ən vacib turniridir. Və şanslıyıq ki, stadionumuzda hər şeyi azarkeşlərimizin önündə tamamlamaq şansımız var. Diqqətimiz yayınsa, özümüzü bağışlamayacağıq. Başa düşürük ki, çempionluq üçün qarşıda 3 matçımız var. Amma qazanılan hər qələbə növbəti görüşdən əvvəl bzə kömək edir".

Qeyd edək ki, "Mançester Siti" hazırda turnir cədvəlində (35 oyun) 85 xalla liderdir. Onlar 2-ci yerdəki "Arsenal"ı (36 oyun) 4 xal qabaqlayırlar. Əgər "Mançester Siti" sabah "Çelsi"ni üstələsə, çempionluğu rəsmiləşdirəcək. Görüş Bakı vaxtı ilə saat 19:00-da start götürəcək.