Bakıda gənc qız yataq otağının pəncərəsindən yıxılaraq ölüb

Bakının Sabunçu rayonunda ölüm hadisəsi baş verib.

Press.az APA-a istinadən  xəbər verir ki, hadisə Zabrat qəsəbəsində qeydə alınıb.

Belə ki, “əlillər binası” kimi tanınan yaşayış kompleksinin sakini, 1999-cu il təvəllüdlü Həbişova Səbinə Rahib qızı yataq otağının pəncərəsindən yıxılıb. O, aldığı xəsarətlərdən hadisə yerində ölüb.

Gənc qızın ölümünün dəqiq səbəbləri Sabunçu Rayon Prokurorluğunun əməkdaşları tərəfindən araşdırılır.