Əli Əsədov Çinin yeni Baş nazirini təbrik edib

Azərbaycanın Baş naziri Əli Əsədov Li Çiana Çin Xalq Respublikası Dövlət Şurasının Baş naziri vəzifəsinə təyin olunması münasibətilə təbrik məktubu ünvanlayıb.

Bu barədə Press.az-a Azərbaycanın Nazirlər Kabinetindən məlumat verilib.

"Məktubda Li Çiana fəaliyyətində uğurlar arzulanıb, Azərbaycan-Çin münasibətlərinin bundan sonra da dostluq və əməkdaşlıq məcrasında inkişaf edəcəyinə və daha da möhkəmlənəcəyinə əminlik ifadə olunub", - məlumatda qeyd edilib.