Latviya Qoşulmama Hərəkatının sədri kimi Azərbaycanın rolunu yüksək qiymətləndirir

BMT üzvlərinin əksəriyyətinin, yəni, 120-dən artıq üzvü olan platformanın - Qoşulmama Hərəkatının sədri kimi Azərbaycanın rolunu yüksək qiymətləndiririk.

Press.az Trend-ə istinadən bildirir ki, bu fikri Latviya Prezidenti Egils Levits Azərbaycan Prezidenti İlham Əliyevlə görüşdən sonra mətbuata bəyanatında söyləyib.

"Biz 2025-ci il üçün BMT Təhlükəsizlik Şurasının üzvü kimi namizədliyimizi irəli sürəcəyik. Ümid edirik ki, bu məsələdə Qoşulmama Hərəkatının üzvlərinin dəstəyini qazanacağıq", - deyə Latviya Prezidenti bildirib.