Son 54 ilin ən soyuq günü - Mənfi 53 dərəcə

Çinin şimalındakı Heilongjiang bölgəsindəki Mohe şəhərində son 54 ilin ən soyuq günü yaşanıb. Havanın temperaturu mənfi 53 dərəcəyə düşüb.

Press.az-ın xarici mediaya istinadən məlumatına görə, ölkənin şimalında, Rusiya ilə sərhəddə yerləşən Mohedə yanvarın 22-də yerli vaxtla saat 07:00-da havanın temperaturu 53 dərəcə şaxta olub.

Çinin ən soyuq bölgəsi olaraq göstərilən və ölkənin Şimal Qütbü kimi tanınan Mohedə qış mövsümü ümumiyyətlə 8 ay davam edir.