First slide

Dəfələrlə məhkum olunan şəxs Bakıda mağazaya basqın etdi

24 Jan 2023 rating_stars rating_stars rating_stars rating_stars rating_stars

Paytaxtın Xətai rayonunda mağaza satıcısının 190 manat pulunu quldurluq yolu ilə talamaqda şübhəli bilinən şəxs müəyyən olunub.

Bu barədə “Report”a Daxili İşlər Nazirliyinin (DİN) Mətbuat Xidmətinin əməkdaşı Nurlan Əliyev məlumat verib.

DİN rəsmisinin sözlərinə görə, araşdırmalarla məlum olub ki, o, əvvəllər Cinayət Məcəlləsinin müxtəlif maddələri ilə 7 dəfə məhkum olunub.

Onun saxlanılması istiqamətində tədbirlər görülür.

09:48

Bakıda mağazaya silahlı basqın edilib.

“Report”un əldə etdiyi məlumata görə, hadisə yanvarın 22-si saat 20 radələrində paytaxtın Xətai rayonu, X.Rüstəmov küçəsi, 23 saylı ünvanda yerləşən mağazada qeydə alınıb.

Belə ki, şəxsiyyəti istintaqla məlum olmayan şəxs obyektə müştəri qismində daxil olub. Daha sonra o, mağazada satıcı işləyən İsmayılova Gülçöhrə Səxavət qızına həyat və sağlamlığı üçün təhlükəli zorakılıqla basqın edib, onu silah qismində istifadə etdiyi bıçaqla vuracağı ilə hədələyib. Həmin şəxs içərisində 160 manat məbləğində pul olan 25 manat dəyərində çantanı və kassada olan 30 manat məbləğində pulu götürərək ərazidən uzaqlaşıb.

Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin 181.1-ci maddəsi ilə cinayət işi başlanaraq istintaq aparılır.

Press.az 

Oxşar xəbərlər
OTACI