NATO-nun baş katibinə Ukrayna mükafatı verildi

Yanvarın 23-də NATO-nun baş katibi Yens Stoltenberq “Ukrayna xalqı qarşısında xidmətlərinə, Ukraynanın demokratik və hüquqi dövlət kimi təbliğinə və möhkəmləndirilməsinə görə” fəxri mükafat alıb.

Bu barədə Şimali Atlantika Alyansının rəsmi saytı məlumat yayıb.

Mükafatın təqdimatı NATO-nun mənzil-qərargahında baş tutub.

Stoltenberq Ali Rada tərəfindən mükafatın təqdimat mərasimində bir daha Kiyevi dəstəkləməyə davam edəcəyinə söz verib.