"Liverpul"un hücumçusu Roberto Firmino Mersisayd təmsilçisində oynamağa davam etmək istədiyini açıqlayıb.
Press.az Britaniya mətbuatına istinadən xəbər verir ki, braziliyalı oyunçu deyib: “Burada böyük oyunçularla futbol oynamaq əladır. Mən burada xoşbəxtəm. "Liverpul"a kömək etmək üçün burada qalmaq istəyirəm".
Qeyd edək ki, Firminonun klubu ilə müqaviləsi iyunda başa çatır. Onun "Liverpul"la 2025-ci ilin yayına qədər yeni müqavilə imzalamaq istədiyi bildirilir.
Xatırladaq ki, Firmino bu mövsüm 21 oyunda 9 qol vurub və 4 qolun ötürməsini verib.