"Bavariya" yeni transferini açıqladı

Münhenqladbax "Borussiya"sının qapıçısı Yann Sommerin "Bavariya"ya keçidi rəsmiləşib.

Press.az xəbər verir ki, bu barədə Münhen klubunun mətbuat xidməti məlumat yayıb.

"Bavariya" 34 yaşlı qolkiperlə 2025-ci ilin yayına kimi müqavilə imzalayıb. İsveçrəli oyunçu yeni klubunda 27 nömrəli forma ilə çıxış edəcək.

"Bavariya"nın əsas qapıçısı Manuel Noyerin ayağı qırıldığı üçün klub bu transferi reallaşdırıb.

Qeyd edək ki, Sommer 2014-cü ilin yayından "Borussiya"da çıxış edirdi.