Bakıda sərnişin avtomobildən pul və cüzdan oğurlayıb

Bakıda sərnişin avtomobildən pul və cüzdan oğurlayıb.

Bu barədə Daxili İşlər Nazirliyindən məlumat verilib.

Qeyd olunub ki, Xəzər Rayon Polis İdarəsinin 2-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində sərnişini olduğu “Renault” markalı avtomobildən içərisində 1500 manat və sənəd olan cüzdan oğurlamaqda şübhəli bilinən Yevlax rayon sakini Nicat Əhmədov müəyyən olunaraq saxlanılıb.

Faktla bağlı araşdırma aparılır.