DÇ-2022-də daha 4 komanda növbəti mərhələdə

DÇ-2022-də qrup mərhələsininin oyunları davam edir.

Press.az xəbər verir ki, bu gün 4 matç keçirilib. F qrupunda Kanada Mərakeşə uduzub. Xorvatiya isə Belçika ilə heç-heçə edib. Mərakeş qrup lideri, Xorvatiya isə 2-ci yerin sahibi kimi 1/8 finala adlayıb. Belçika qrupda qalıb. Kanadanın 1/8 finala adlaya bilməyəcəyi isə hələ ötən tur dəqiqləşib.

E qrupunda İspaniya Yaponiyaya 1:2 hesabı ilə uduzub, Almaniya  Kosta-Rikaya 4:2 hesabı ilə qalib gəlib. Bu nəticələrdən sonra Yaponiya qrup 1-cisi, İspaniya 2-ci yerin sahibi kimi növbəti mərhələyə yüksəlib. Almaniya və Kosta-Rika isə qrupda qalıb.

Qeyd edək ki, daha əvvəl Fransa, Avstraliya, Niderland, Seneqal, İngiltərə, ABŞ, Portuqaliya, Braziliya, Argentina və Polşa yığmaları 1/8 finala vəsiqə qazanıblar.

1 dekabr

DÇ-2022, 3-cü tur

E qrupu

23:00. Kosta Rika - Almaniya - 2:4 

Qollar: Qnabri, 10 (0:1), Texeda, 58 (1:1), Varqas, 70 (2:1), Haverts, 73 (2:2),  85 (2:3), Fullkruq, 89 (2:4)

23:00. Yaponiya - İspaniya - 2:1 

Qollar: Morata, 12 (0:1), Doan, 48 (1:1), Tanaka, 51 (2:1)

F qrupu

19:00. Kanada - Mərakeş - 1:2 

Qollar: Hakim Ziyex, 4 (0:1), Yussuf En-Nesiri, 23 (0:2), Nayef Aquerd, 40-avtoqol (1:2)

Ləğv olunan qol: Yussuf En-Nesiri, 45+3 (Mərakeş)

19:00. Xorvatiya - Belçika - 0:0