Roberto Martinez Belçika millisindən istefa verdi

Belçika millisinin baş məşqçisi Roberto Martinez vəzifəsindən istefa verib.

Press.az xəbər verir ki, bu barədə 49 yaşlı mütəxəssis özü açıqlayıb.

Martinezin komandası DÇ-2022-nin qrup mərhələsinin 3-cü turunda bu gün Xorvatiya ilə heç-heçə edib - 0:0. Nəticədə Belçika 1/8 finala adlaya bilməyib. Martinez isə görüşdən sonra açıqlamasında vəzifəsindən istefa verdiyini bildirib:

“Bu, komanda ilə son oyunum idi. Emosional andır. Mən davam edə bilmərəm. Futbolçular və heyətlə sağollaşdım. Dünya çempionu olsaq da, onsuz da gedəcəkdim. Bu qərarı DÇ-2022-dən əvvəl qərar vermişəm".

Qeyd edək ki, Roberto Martinez 2016-cı ilin yayından Belçika millisini çalışdırırdı.